Badlaa...

Badlaa badlaa cheekhun chillaaun, badle ke badle main kya paaun...

Yeh antheen hai badlaa, jismein kitne hee jhulaste hain
iss jhulasan ko iss uljhan ko, jaane kaise main suljhaaun

Jo chala gaya, woh mera thha, jo jaayega woh tera
Aage jaane waale tere meron ko kaise main bachaaun

Kuch dehshatgard, kuch nafratgard hum par kitne hain bhari
yeh baat na maine samjhi, toh kaise tujhko samjhaaun

Ik samay thha jab tune maine, sang ladi thhi ek ladaai
woh samay jo ab nahin raha, kaise usko lautaaun

Badlaa badlaa cheekhun chillaaun, badle ke badle main kya paaun...