MAA KABHI RETIRE NAHIN HOTI

Woh khayaal rakhti hai sabka, sabka dard hai baantati

Woh apne aashiyane ko sanjoke ek ek pal hai chhantati

Ek wohi hai iss duniya mein jo har waqt kaam hai karti

Kyunki maa kabhi retire nahin hoti…

Kabhi khana,  kabhi chai, toh kabhi safai hai karti

Khansaame se lekar dhobi, sab ka kaam hai karti

Ek wohi hai iss duniya mein jo kabhi nahin thakti

Kyunki maa kabhi retire nahin hoti…

Hum rote, toh ro deti hai, hum muskuraayein toh khush woh hoti

Hum chhupaake bhi naa chhupa paate, woh mann hai padhti

Ek wohi hai, jo iss duniya se humare liye har waqt hai ladti

Kyunki maa kabhi retire nahin hoti…